| Tanach -- Chumash |
| KEY | Sefer | Perek | Pasuk | Contents |
| amos 1 1 | אמוס | 1 | 1 | דבר יהוה אשר היה אל יואל בן פתואל |
| amos 1 2 | אמוס | 1 | 2 | שמעו זאת הזקנים והאזינו כל יושבי הארץ ההיתה זאת בימיכם ואם בימי אבתיכם |
| amos 1 3 | אמוס | 1 | 3 | עליה לבניכם ספרו ובניכם לבניהם ובניהם לדור אחר |
| amos 1 4 | אמוס | 1 | 4 | יתר הגזם אכל הארבה ויתר הארבה אכל הילק ויתר הילק אכל החסיל |
| amos 1 5 | אמוס | 1 | 5 | הקיצו שכורים ובכו והיללו כל שתי יין על עסיס כי נכרת מפיכם |
| amos 1 6 | אמוס | 1 | 6 | כי גוי עלה על ארצי עצום ואין מספר שניו שני אריה ומתלעות לביא לו |
| amos 1 7 | אמוס | 1 | 7 | שם גפני לשמה ותאנתי לקצפה חשף חשפה והשליך הלבינו שריגיה |
| amos 1 8 | אמוס | 1 | 8 | אלי כבתולה חגרת שק על בעל נעוריה |
| amos 1 9 | אמוס | 1 | 9 | הכרת מנחה ונסך מבית יהוה אבלו הכהנים משרתי יהוה |
| amos 1 10 | אמוס | 1 | 10 | שדד שדה אבלה אדמה כי שדד דגן הוביש תירוש אמלל יצהר |
| amos 1 11 | אמוס | 1 | 11 | הבישו אכרים הילילו כרמים על חטה ועל שערה כי אבד קציר שדה |
| amos 1 12 | אמוס | 1 | 12 | הגפן הובישה והתאנה אמללה רמון גם תמר ותפוח כל עצי השדה יבשו כי הביש ששון מן בני אדם |
| amos 1 13 | אמוס | 1 | 13 | חגרו וספדו הכהנים הילילו משרתי מזבח באו לינו בשקים משרתי אלהי כי נמנע מבית אלהיכם מנחה ונסך |
| amos 1 14 | אמוס | 1 | 14 | קדשו צום קראו עצרה אספו זקנים כל ישבי הארץ בית יהוה אלהיכם וזעקו אל יהוה |
| amos 1 15 | אמוס | 1 | 15 | אהה ליום כי קרוב יום יהוה וכשד משדי יבוא |
| amos 1 16 | אמוס | 1 | 16 | הלוא נגד עינינו אכל נכרת מבית אלהינו שמחה וגיל |
| amos 1 17 | אמוס | 1 | 17 | עבשו פרדות תחת מגרפתיהם נשמו אצרות נהרסו ממגרות כי הביש דגן |
| amos 1 18 | אמוס | 1 | 18 | מה נאנחה בהמה נבכו עדרי בקר כי אין מרעה להם גם עדרי הצאן נאשמו |
| amos 1 19 | אמוס | 1 | 19 | אליך יהוה אקרא כי אש אכלה נאות מדבר ולהבה להטה כל עצי השדה |
| amos 1 20 | אמוס | 1 | 20 | גם בהמות שדה תערוג אליך כי יבשו אפיקי מים ואש אכלה נאות המדבר |
| amos 2 1 | אמוס | 2 | 1 | תקעו שופר בציון והריעו בהר קדשי ירגזו כל ישבי הארץ כי בא יום יהוה כי קרוב |
| amos 2 2 | אמוס | 2 | 2 | יום חשך ואפלה יום ענן וערפל כשחר פרש על ההרים עם רב ועצום כמהו לא נהיה מן העולם ואחריו לא יוסף עד שני דור ודור |
| amos 2 3 | אמוס | 2 | 3 | לפניו אכלה אש ואחריו תלהט להבה כגן עדן הארץ לפניו ואחריו מדבר שממה וגם פליטה לא היתה לו |
| amos 2 4 | אמוס | 2 | 4 | כמראה סוסים מראהו וכפרשים כן ירוצון |
| amos 2 5 | אמוס | 2 | 5 | כקול מרכבות על ראשי ההרים ירקדון כקול להב אש אכלה קש כעם עצום ערוך מלחמה |
| amos 2 6 | אמוס | 2 | 6 | מפניו יחילו עמים כל פנים קבצו פארור |
| amos 2 7 | אמוס | 2 | 7 | כגבורים ירצון כאנשי מלחמה יעלו חומה ואיש בדרכיו ילכון ולא יעבטון ארחותם |
| amos 2 8 | אמוס | 2 | 8 | ואיש אחיו לא ידחקון גבר במסלתו ילכון ובעד השלח יפלו לא יבצעו |
| amos 2 9 | אמוס | 2 | 9 | בעיר ישקו בחומה ירצון בבתים יעלו בעד החלונים יבאו כגנב |
| amos 2 10 | אמוס | 2 | 10 | לפניו רגזה ארץ רעשו שמים שמש וירח קדרו וכוכבים אספו נגהם |
| amos 2 11 | אמוס | 2 | 11 | ויהוה נתן קולו לפני חילו כי רב מאד מחנהו כי עצום עשה דברו כי גדול יום יהוה ונורא מאד ומי יכילנו |
| amos 2 12 | אמוס | 2 | 12 | וגם עתה נאם יהוה שבו עדי בכל לבבכם ובצום ובבכי ובמספד |
| amos 2 13 | אמוס | 2 | 13 | וקרעו לבבכם ואל בגדיכם ושובו אל יהוה אלהיכם כי חנון ורחום הוא ארך אפים ורב חסד ונחם על הרעה |
| amos 2 14 | אמוס | 2 | 14 | מי יודע ישוב ונחם והשאיר אחריו ברכה מנחה ונסך ליהוה אלהיכם |
| amos 2 15 | אמוס | 2 | 15 | תקעו שופר בציון קדשו צום קראו עצרה |
| amos 2 16 | אמוס | 2 | 16 | אספו עם קדשו קהל קבצו זקנים אספו עוללים ויונקי שדים יצא חתן מחדרו וכלה מחפתה |
| amos 2 17 | אמוס | 2 | 17 | בין האולם ולמזבח יבכו הכהנים משרתי יהוה ויאמרו חוסה יהוה על עמך ואל תתן נחלתך לחרפה למשל בם גוים למה יאמרו בעמים איה אלהיהם |
| amos 2 18 | אמוס | 2 | 18 | ויקנא יהוה לארצו ויחמל על עמו |
| amos 2 19 | אמוס | 2 | 19 | ויען יהוה ויאמר לעמו הנני שלח לכם את הדגן והתירוש והיצהר ושבעתם אתו ולא אתן אתכם עוד חרפה בגוים |
| amos 2 20 | אמוס | 2 | 20 | ואת הצפוני ארחיק מעליכם והדחתיו אל ארץ ציה ושממה את פניו אל הים הקדמני וספו אל הים האחרון ועלה באשו ותעל צחנתו כי הגדיל לעשות |
| amos 2 21 | אמוס | 2 | 21 | אל תיראי אדמה גילי ושמחי כי הגדיל יהוה לעשות |
| amos 2 22 | אמוס | 2 | 22 | אל תיראו בהמות שדי כי דשאו נאות מדבר כי עץ נשא פריו תאנה וגפן נתנו חילם |
| amos 2 23 | אמוס | 2 | 23 | ובני ציון גילו ושמחו ביהוה אלהיכם כי נתן לכם את המורה לצדקה ויורד לכם גשם מורה ומלקוש בראשון |
| amos 2 24 | אמוס | 2 | 24 | ומלאו הגרנות בר והשיקו היקבים תירוש ויצהר |
| amos 2 25 | אמוס | 2 | 25 | ושלמתי לכם את השנים אשר אכל הארבה הילק והחסיל והגזם חילי הגדול אשר שלחתי בכם |
| amos 2 26 | אמוס | 2 | 26 | ואכלתם אכול ושבוע והללתם את שם יהוה אלהיכם אשר עשה עמכם להפליא ולא יבשו עמי לעולם |
| amos 2 27 | אמוס | 2 | 27 | וידעתם כי בקרב ישראל אני ואני יהוה אלהיכם ואין עוד ולא יבשו עמי לעולם |
| amos 3 1 | אמוס | 3 | 1 | והיה אחרי כן אשפוך את רוחי על כל בשר ונבאו בניכם ובנתיכם זקניכם חלמות יחלמון בחוריכם חזינות יראו |
| amos 3 2 | אמוס | 3 | 2 | וגם על העבדים ועל השפחות בימים ההמה אשפוך את רוחי |
| amos 3 3 | אמוס | 3 | 3 | ונתתי מופתים בשמים ובארץ דם ואש ותימרות עשן |
| amos 3 4 | אמוס | 3 | 4 | השמש יהפך לחשך והירח לדם לפני בוא יום יהוה הגדול והנורא |
| amos 3 5 | אמוס | 3 | 5 | והיה כל אשר יקרא בשם יהוה ימלט כי בהר ציון ובירושלם תהיה פליטה כאשר אמר יהוה ובשרידים אשר יהוה קרא |
| amos 4 1 | אמוס | 4 | 1 | כי הנה בימים ההמה ובעת ההיא אשר אשוב את שבות יהודה וירושלם |
| amos 4 2 | אמוס | 4 | 2 | וקבצתי את כל הגוים והורדתים אל עמק יהושפט ונשפטתי עמם שם על עמי ונחלתי ישראל אשר פזרו בגוים ואת ארצי חלקו |
| amos 4 3 | אמוס | 4 | 3 | ואל עמי ידו גורל ויתנו הילד בזונה והילדה מכרו ביין וישתו |
| amos 4 4 | אמוס | 4 | 4 | וגם מה אתם לי צר וצידון וכל גלילות פלשת הגמול אתם משלמים עלי ואם גמלים אתם עלי קל מהרה אשיב גמלכם בראשכם |
| amos 4 5 | אמוס | 4 | 5 | אשר כספי וזהבי לקחתם ומחמדי הטבים הבאתם להיכליכם |
| amos 4 6 | אמוס | 4 | 6 | ובני יהודה ובני ירושלם מכרתם לבני היונים למען הרחיקם מעל גבולם |
| amos 4 7 | אמוס | 4 | 7 | הנני מעירם מן המקום אשר מכרתם אתם שמה והשבתי גמלכם בראשכם |
| amos 4 8 | אמוס | 4 | 8 | ומכרתי את בניכם ואת בנותיכם ביד בני יהודה ומכרום לשבאים אל גוי רחוק כי יהוה דבר |
| amos 4 9 | אמוס | 4 | 9 | קראו זאת בגוים קדשו מלחמה העירו הגבורים יגשו יעלו כל אנשי המלחמה |
| amos 4 10 | אמוס | 4 | 10 | כתו אתיכם לחרבות ומזמרתיכם לרמחים החלש יאמר גבור אני |
| amos 4 11 | אמוס | 4 | 11 | עושו ובאו כל הגוים מסביב ונקבצו שמה הנחת יהוה גבוריך |
| amos 4 12 | אמוס | 4 | 12 | יעורו ויעלו הגוים אל עמק יהושפט כי שם אשב לשפט את כל הגוים מסביב |
| amos 4 13 | אמוס | 4 | 13 | שלחו מגל כי בשל קציר באו רדו כי מלאה גת השיקו היקבים כי רבה רעתם |
| amos 4 14 | אמוס | 4 | 14 | המונים המונים בעמק החרוץ כי קרוב יום יהוה בעמק החרוץ |
| amos 4 15 | אמוס | 4 | 15 | שמש וירח קדרו וכוכבים אספו נגהם |
| amos 4 16 | אמוס | 4 | 16 | ויהוה מציון ישאג ומירושלם יתן קולו ורעשו שמים וארץ ויהוה מחסה לעמו ומעוז לבני ישראל |
| amos 4 17 | אמוס | 4 | 17 | וידעתם כי אני יהוה אלהיכם שכן בציון הר קדשי והיתה ירושלם קדש וזרים לא יעברו בה עוד |
| amos 4 18 | אמוס | 4 | 18 | והיה ביום ההוא יטפו ההרים עסיס והגבעות תלכנה חלב וכל אפיקי יהודה ילכו מים ומעין מבית יהוה יצא והשקה את נחל השטים |
| amos 4 19 | אמוס | 4 | 19 | מצרים לשממה תהיה ואדום למדבר שממה תהיה מחמס בני יהודה אשר שפכו דם נקיא בארצם |
| amos 4 20 | אמוס | 4 | 20 | ויהודה לעולם תשב וירושלם לדור ודור |
| amos 4 21 | אמוס | 4 | 21 | ונקיתי דמם לא נקיתי ויהוה שכן בציון |
